कोदो खेती घट्दो, पिठोको माग उच्च

जुम्ला । बजारमा कोदोको पिठोको माग बढ्दै गए पनि जुम्लामा कोदो खेती गर्ने किसानको सङ्ख्या भने घट्दै गएको छ। रैथाने बालीका रूपमा रहेको कोदोको व्यावसायिक उत्पादन र खेती विस्तार हुन नसक्दा यसको खेतीप्रति किसानको आकर्षण घट्दै गएको हो।

कृषि विकास कार्यालय जुम्लाका प्रमुख रामभक्त अधिकारीका अनुसार पछिल्लो समय कोदो खेती गर्ने किसानको सङ्ख्या घटिरहेको छ । बजारमा कोदोको पिठोको माग उच्च रहे पनि उत्पादन बढाउन र खेती विस्तार गर्न पर्याप्त ध्यान पुग्न सकेको छैन।