म्यानचेस्टर युनाइटेडको आफ्नै मैदानमा बोर्नमाउथसँग लज्जास्पद हार

काठमाडौं- इङ्ग्लिस प्रिमियर लिगअन्तर्गत म्यानचेस्टर युनाइटेडलाई एएफसी बोर्नमाउथले ३–० गोलले पराजित गरेको छ। ओल्ड ट्राफोर्डमा भएको खेलमा पाहुना टोली बोर्नमाउथसँग युनाइटेडले लज्जास्पद हार बेहोरेको हो।

बोर्नमाउथका लागि रयानले खेलको ३८औँ मिनेटमा गोल गर्दै टोलीलाई अग्रता दिलाएका थिए। त्यसको तीन मिनेटपछि मार्कस टाभर्नियरले गोल थपेपछि पहिलो हाफमा बोर्नमाउथ २–० ले अघि रह्यो।