बेलायत पठाइयो धनगढीबाट सयपत्री फूलको माला

धनगढी । कैलालीको धनगढीबाट सयपत्री फूलको माला बेलनयत पठाइएको छ । धनगढी उपमहानगरपालिका–९ स्थित बंगरामा उत्पादित सयपत्री फूलको माला बेलायत पठाइएको हो । बेलायतमा रहेका नेपालीले तिहारका लागि माग गरेपछि सयपत्री फूलको माला बनाएर बेलायत पठाइएको हो ।

तिहारका लागि बेलायतमा तीन सय थान माला पठाएको व्यावसायिक फूल खेतीमा सक्रिय रोशन साउँदले बताए । ‘फूलका लागि थुप्रै अर्डर आएको छ,’ उनले भने, ‘फूल मात्रै र माला बनाएर बिक्री गर्दै आएका छौँ । यस वर्ष पहिलो पटक बेलायत पनि पठाएका छौँ ।’