गणेश नेपालीको मृत्यु राज्यको असंवेदनशीलताको पराकाष्ठा : प्रलोपा

काठमाडौँ । प्रगतिशील लोकतान्त्रिक पार्टी (प्रलोपा) ले मुगुबाट काठमाडौँ आएर जीविकोपार्जनका लागि सङ्घर्षरत युवा गणेश नेपालीको मृत्यु राज्यको असंवेदनशील र कठोर व्यवहारको परिणाम भएको ठहर गरेको छ।

पार्टीले शुक्रबार एक प्रेस विज्ञप्ति जारी गर्दै महानगरपालिका र राज्यका विभिन्न निकायले सडकमा काम गर्ने श्रमजीवीहरूमाथि गर्ने अपमानजनक व्यवहारले नै यस्तो दुखद परिस्थिति सिर्जना भएको जनाएको छ।