गणेश नेपालीको आत्मदाहले उब्जाएको प्रश्न : महानगर प्रहरीको अधिकार के हो?

बिहीवार दिउँसो काठमान्डूको त्रिपुरेश्वरमा गणेश नेपाली नामका युवाले रोकिराखेको उनको मोटरसाइकलमा 'ह्वील लक' लागेको विषयमा महानगर प्रहरीसँग विवाद भएलगत्तै उनले आत्मदाह गरेको भनिएको घटनाले अहिले महानगर प्रहरीको अधिकार र आचरणबारे प्रश्न उब्जिएका छन्।

आखिर महानगर प्रहरीको अधिकार केके हुन्?, ठाउँठाउँमा राज्यका विभिन्न निकायले जरिवाना तथा अन्य सजाय तोक्दा कस्ता होसियारी अपनाउनुपर्छ? भन्ने जस्ता प्रश्न उठेका छन्।