गौरा औपचारिकतामा सीमित, देखिएन रौनक

महेन्द्रनगर- सुदूरपश्चिमेलीको प्रमुख परम्परागत चाड गौरा पर्व शुक्रबार सुदूरपश्चिममा सुरु भएको छ ।

यहाँ हरेक वर्ष भाद्र कृष्ण पञ्चमीका दिनदेखि सुरु हुने गौरा पर्व कोरोना सङ्क्रमणका कारण प्रभावित हुँदै आएको छ । गौरा पर्वको प्रमुख आकर्षणका रुपमा रहेको देउडामा पौराणिक कथा, देवी देवताका गाथा, धार्मिक ग्रन्थ गाउने गरिन्छ । त्यति मात्रै नभएर सामाजिक विकृति विरुद्ध पनि देउडाका माध्यमले तिखो व्यङ्ग्य गर्ने प्रचलन छ तर कोरोनाका कारण गौरा औपचारिकतामा सीमित बनेको छ । यहाँ पहाडी जिल्लाका साथै कैलाली र कञ्चनपुरमा गौरामा देउडा खेल्ने र मेलाहरु लाग्ने गर्थे ।