२३ दिनका लागि ६० अर्ब रुपैयाँ तान्दै राष्ट्र बैंक

काठमाडौं- नेपाल राष्ट्र बैंकले बैंक तथा वित्तीय संस्थाहरूमा बढ्दो अधिक तरलता व्यवस्थापन गर्न बुधबार ६० अर्ब रुपैयाँ निक्षेप संकलन गर्ने भएको छ।

राष्ट्र बैंकले बोलकबोल (अक्सन) प्रक्रियामार्फत २३ दिन अवधिको निक्षेप संकलन उपकरण जारी गर्न लागेको जनाएको छ। उक्त निक्षेपमा सहभागी संस्थाहरूले ब्याजदर प्रतिस्पर्धात्मक रूपमा प्रस्ताव गर्न सक्नेछन्।