शिक्षकहरूको शान्तिपूर्ण आन्दोलनमाथि सरकारले दमन गर्‍यो : क्रान्तिकारी कम्युनिस्ट पार्टी

काठमाडौँ । क्रान्तिकारी कम्युनिस्ट पार्टी नेपालले शिक्षकहरूको शान्तिपूर्ण आन्दोलनमाथि सरकारले दमन गरेको आरोप लगाएको छ । सो पार्टीले शिक्षक आन्दोलनमाथि दमन भएको भन्दै त्यसको तीव्र निन्दा र घोर भर्त्सना समेत गरेको छ ।

सो पार्टीका कार्यवाहक महासचिव गौरवले आइतबार एक विज्ञप्ति जारी गर्दै आन्दोलनमा घाइते भएकाहरूको निःशुल्क उपचार गर्न समेत माग गरेका छन् । विज्ञप्तिमा सरकारले शिक्षक महासङ्घसँग गरेका पूर्व सहमतिहरू अविलम्ब लागू गरी विद्यालयमा पठनपाठनको वातावरण बनाउन सरकारसँग जोडदार माग समेत गरिएको छ ।