गणेश नेपालीको आत्मदाह प्रकरण : अखिल नेपाल यातायात मजदुर संघद्वारा उच्चस्तरीय छानबिनको माग

काठमाडौँ । आत्मदाह गरेका यातायात मजदुर गणेश नेपालीको मृत्युको घटनालाई लिएर अखिल नेपाल यातायात मजदुर संघले गम्भीर आपत्ति प्रकट गरेको छ । संघले बुधबार एक प्रेस विज्ञप्ति जारी गर्दै यस घटनाको निष्पक्ष र उच्चस्तरीय छानबिन गर्न तथा दोषीमाथि कडा कारबाही गर्न माग गरेको हो ।

विज्ञप्तिमा भनिएको छ, ‘काठमाडौँ उपत्यकामा यात्रु चढाउने–ओराल्ने स्थान, पर्याप्त पार्किङ, सार्वजनिक शौचालय र मजदुरका लागि विश्रामस्थल जस्ता न्यूनतम भौतिक पूर्वाधारको अभाव छ । राज्यले आफ्नो दायित्व पुरा नगरी केवल यातायात मजदुर र सवारी साधनमाथि दण्डात्मक कारबाही र चर्को जरिवानालाई प्राथमिकता दिँदा श्रमिकहरू मानसिक तनाव र निराशामा पुगेका छन् ।’