गणेश नेपालीको मृत्युपछि सुर्खेतमा प्रदर्शन

सुर्खेत । काठमाडौंको त्रिपुरेश्वरमा पेट्रोल छर्केर आत्मदाहको प्रयासपछि गम्भीर घाइते भएका मुगुका गणेश नेपालीको उपचारका क्रममा शुक्रबार मृत्यु भयो । उनको मृत्युपछि सुर्खेतमा युवाहरूले विरोध प्रदर्शन गरेका छन् ।

बिहीबार काठमाडौं महानगर प्रहरीसँग भएको विवादपछि नेपालीले आफ्नै शरीरमा पेट्रोल छर्केर आगो लगाएका थिए । गम्भीर घाइते भएका उनको उपचारका क्रममा शुक्रबार मृत्यु भएपछि घटनाको विरोधमा युवाहरू सडकमा उत्रिएका हुन् ।