कांग्रेसमा निर्वाचन ब्युरो, प्रारम्भिक मतदानलाई प्राथमिकता

नेपाली कांग्रेसले आगामी स्थानीय तहको निर्वाचनमा उम्मेदवार छनोटका लागि प्राइमेरी (प्रारम्भिक मतदान) लाई प्राथमिकता दिने भएको छ। पार्टीले संगठनको सिफारिस, मोबाइलमार्फत हुने मतदान र सर्वेक्षणलाई उम्मेदवार छनोटको मुख्य आधार बनाउने तयारी गरेको छ।

कांग्रेसका महामन्त्री उदयशमशेर राणाले उपाध्यक्ष पुष्पा भुसालको नेतृत्वमा इलेक्सन ब्युरो गठन गरिएको जानकारी दिँदै स्थानीय तहका उम्मेदवार छनोट प्रक्रियालाई पारदर्शी बनाइने बताए।