तीन न्यायाधीशमाथि कारबाही प्रक्रिया अघि बढ्यो

न्याय परिषदले तीन न्यायाधीशमाथि कारबाही प्रक्रिया अघि बढाएको छ । परिषदको आइतबारको बैठकले जिल्ला अदालतका न्यायाधीशहरू राजकुमार कोइराला, अम्बिका निरौला र परशुराम भट्टराईमाथिको कारबाही अघि बढाउन जाँचबुझ समिति गठन गरेको हो ।

सर्वोच्च अदालतका न्यायाधीश डा. आनन्दमोहन भट्टराईको अध्यक्षतामा गठित समितिलाई विभागीय कारबाहीदेखि भ्रष्टाचार मुद्दा दायरसम्मको निर्णय गर्ने अख्तियारी दिइएको छ ।