बंगालको खाडीमा चक्रवात ‘अर्नब’ तीव्र गतिमा अघि बढ्दै, प्रतिघण्टा १२५ किलोमिटरसम्म हावा चल्ने अनुमान

एजेन्सी । बंगालको खाडीमा विकसित चक्रवात ‘अर्नब’ भारतको आन्ध्र प्रदेशको तटीय क्षेत्रतर्फ तीव्र गतिमा अघि बढिरहेको छ। भारतीय मौसम विभागका अनुसार यो चक्रवात अक्टोबर २८ को बिहानसम्म तटीय क्षेत्रनजिक पुग्न सक्ने अनुमान गरिएको छ। यस क्रममा चक्रवात शक्तिशाली आँधीमा परिणत हुन सक्ने र हावाको गति प्रतिघण्टा १२५ किलोमिटरसम्म पुग्ने सम्भावना रहेको छ। केही स्थानमा हावाको गति प्रतिघण्टा १४० किलोमिटरसम्म पुग्न सक्ने अनुमान गरिएको छ।

मौसम विभागका अनुसार अक्टोबर २५ को राति चक्रवात अर्नब प्रतिघण्टा १५ किलोमिटरको गतिमा अघि बढिरहेको थियो। त्यसबेला यो विशाखापट्टनमबाट करिब ७३० किलोमिटर र बापट्लाबाट करिब ९९० किलोमिटर टाढा रहेको थियो।