धनुषाका मिटरब्याजपीडितहरू अनिश्चितकालीन आन्दोलनमा, प्रहरी कार्यालय अगाडि प्रदर्शन

जनकपुर । धनुषाका मिटरब्याजपीडितहरूले अनिश्चितकालीन आन्दोलन सुरु गरेका छन् । विभिन्न मागहरू राख्दै उनीहरूले आइतबार (आज) जिल्ला प्रहरी कार्यालय अगाडि प्रदर्शन गरेका छन् ।

केही दिनअघि धनुषाको फुलगामा ४ की मिटरब्याजपीडित सुनिता साहलाई प्रहरीले उल्टै पक्राउ गरी पीडामाथि पीडा थपेको भन्दै आफूहरूले प्रहरी प्रशासनविरुद्ध अनिश्चितकालीन आन्दोलन सुरु गरेको मिटरब्याजपीडित किसान मजदुर आन्दोलन नेपाल, धनुषा जिल्ला अध्यक्ष सम्भु प्रसाद यादवले जानकारी दिए ।