स्वास्थ्य कार्यालय मलंगवा प्रमुखविहीन, २० कर्मचारीले साउनदेखिको तलब नपाएको गुनासो

मलंगवा- स्वास्थ्य कार्यालय मलंगवा प्रमुखविहीन हुँदा २० जना कर्मचारीले साउनदेखि तलब नपाएको गुनासो गरेका छन्। कार्यालय प्रमुख नहुँदा तलब निकासीलगायतका प्रशासनिक काम प्रभावित भएको कर्मचारीहरूको भनाइ छ।

गत असोज १९ गते कार्यालय प्रमुख रहेका नवलकिशोर झा ११औँ तहमा बढुवा भएर मधेश प्रदेश स्वास्थ्य निर्देशनालयमा गएपछि स्वास्थ्य कार्यालय मलंगवा प्रमुखविहीन बनेको हो। त्यसयता प्रदेश सरकारले कार्यालयको नेतृत्व सम्हाल्ने गरी कसैलाई पनि प्रमुख तोकेको छैन।