कात्तिक १७ र १८ गते २१ लाख बालबालिकालाई भिटामिन ‘ए’ खुवाइँदै

काठमाडौँ। सरकारले यही कात्तिक १७ र १८ गते देशभरका करिब २१ लाख बालबालिकालाई भिटामिन ‘ए’ र २० लाख बालबालिकालाई जुकाको औषधि खुवाउने तयारी गरेको छ।

आर्थिक वर्ष २०८३/०८४ को पहिलो चरणअन्तर्गत साविकमा कात्तिक २ र ३ गते सञ्चालन हुँदै आएको यो कार्यक्रम यस वर्ष दसैँ परेकाले कात्तिक १७ र १८ गतेका लागि तय गरिएको हो। स्वास्थ्य सेवा विभागको पोषण शाखाका अनुसार भिटामिन ‘ए’ क्याप्सुल छ महिनादेखि ५९ महिनासम्मका बालबालिकालाई र जुकाको औषधि एक वर्षदेखि पाँच वर्षसम्मका बालबालिकालाई खुवाइनेछ।