नेपाल र भारत ‘ए’ बिच टी–२० क्रिकेट शृङ्खला तय, यस्तो छ खेल तालिका

काठमाडौँ । नेपाल क्रिकेट सङ्घ (क्यान) को आयोजनामा नेपाल र भारत ‘ए’ बिच तीन खेलको टी–२० शृङ्खला हुने भएको छ। क्यानका सचिव पारस खड्काद्वारा जारी प्रेस विज्ञप्तिअनुसार उक्त प्रतियोगिता कीर्तिपुरस्थित टीयू अन्तर्राष्ट्रिय क्रिकेट मैदानमा सञ्चालन हुनेछ।

यो शृङ्खला सन् २०२६ को डिसेम्बर ९, ११ र १३ तारिखमा आयोजना हुने तय भएको छ। स्कटल्यान्डमा सम्पन्न आईसीसी कन्फरेन्सका क्रममा नेपाल क्रिकेट सङ्घका अध्यक्ष चतुर बहादुर चन्द, सचिव पारस खड्का र भारतीय क्रिकेट कन्ट्रोल बोर्ड (बीसीसीआई) का सचिव देवजीत साइकियाबीच भएको बैठकले यो टी–२० शृङ्खला गर्ने निर्णय गरेको हो।