तीन वर्षमा आठ प्रमुख शहरमा क्रिकेट रंगशाला निर्माण हुन्छ : मन्त्री लम्साल

काठमाडौँ– भौतिक पूर्वाधार तथा यातायात मन्त्री सुनिल लम्सालले मुलुकका आठ प्रमुख शहरमा फ्लडलाइट सहित कम्तीमा ८ हजार दर्शक क्षमताका क्रिकेट रंगशाला निर्माणको प्रक्रिया अघि बढाएको बताएका छन् ।

आज सामाजिक सञ्जाल फेसबुकमार्फत उनले नेपाल प्रिमियर लिग (एनपीएल) को तेस्रो संस्करण सुरु हुन लागेकोमा आयोजकलाई सफलताको शुभकामना दिँदै उनले ‘होम एन्ड अवे’ आधारमा खेल सञ्चालन गर्न सकिने गरी तीन वर्षभित्र निर्माण सम्पन्न गर्ने लक्ष्य रहेको जनाएका छन् ।