गोल्डेन बुटको दौड: किलियन एम्बाप्पे अग्रस्थानमा, प्रतिस्पर्धा तीव्र

काठमाडौं– फिफा विश्वकप– २०२६ प्रारम्भ हुनै लाग्दा प्रतियोगिताको सबैभन्दा धेरै गोल गर्ने खेलाडीलाई दिइने प्रतिष्ठित गोल्डेन बुट अवार्डको दौडलाई लिएर अहिले नै विश्व फुटबलमा ठूलो चर्चा प्रारम्भ भएको छ ।

प्रारम्भिक विश्लेषण तथा अनुमान अनुसार फ्रान्सका स्टार स्ट्राइकर किलियन एम्बाप्पे यसपटक पनि प्रमुख दाबेदारका रूपमा अग्रस्थानमा रहेका छन् ।

४८ टोली, बढी खेल र बढी गोलको सम्भावना

यसपटक विश्वकप ४८ टोलीको नयाँ ढाँचामा खेलाइँदै छ । खेल संख्या बढ्ने भएकाले खेलाडीहरूलाई गोल गर्ने अवसर पनि बढ्ने अपेक्षा गरिएको छ । विज्ञहरूको अनुमान अनुसार यसपटक गोल्डेन बुट जित्न ६ देखि ८ गोल नै पर्याप्त हुन सक्ने सम्भावना देखिएको छ ।

यसले गर्दा शीर्ष स्ट्राइकरहरूबीचको प्रतिस्पर्धा झनै रोचक बन्ने अपेक्षा गरिएको छ ।

एम्बाप्पे पुनः प्रमुख दाबेदार

फ्रान्सका कप्तान तथा स्टार स्ट्राइकर किलियन एम्बाप्पे हालसम्मका विश्लेषणहरूमा सबैभन्दा अगाडि देखिएका छन् । उनले सन् २०२२ को विश्वकपमा उत्कृष्ट प्रदर्शन गर्दै ८ गोलसहित गोल्डेन बुट जितेका थिए । उनको तीव्र गति, एक(एक भिडन्तमा उत्कृष्ट क्षमता तथा क्लिन फिनिसिङ क्षमताले उनलाई पुनः शीर्ष दावेदार बनाएको छ । साथै फ्रान्सको बलियो टोली संरचनाले पनि उनको सम्भावनालाई थप मजबुत बनाएको छ ।

प्रमुख प्रतिस्पर्धीहरू को-को ?

एमबाप्पेसँगै यसपटक गोल्डेन बुटका लागि कडा प्रतिस्पर्धीहरू पनि मैदानमा छन् । प्रारम्भिक सूची अनुसारस्

ह्यारी केन (इङ्ल्याण्ड)

इर्लिङ हालान्ड (नर्वे)

लियोनल मेस्सी (अर्जेन्टिना)

लामिन यमल (स्पेन)

यी सबै खेलाडीहरू आफ्नो क्लब र राष्ट्रिय टोलीमा उत्कृष्ट फर्ममा रहेकाले प्रतिस्पर्धा अझ रोमाञ्चक हुने अपेक्षा गरिएको छ ।

फ्रान्सको प्रदर्शन निर्णायक

विशेषज्ञहरूको भनाइमा कुनै पनि खेलाडीको गोल्डेन बुट जित्ने सम्भावना उसको टोलीको प्रदर्शनसँग प्रत्यक्ष जोडिएको हुन्छ । यदि फ्रान्स सेमिफाइनल अथवा फाइनलसम्म पुग्न सफल भयो भने एम्बाप्पेले उच्च गोल गर्दै अवार्ड जित्ने बलियो सम्भावना रहने छ ।

तर इङ्ल्याण्डका ह्यारी केन, नर्वेका इर्लिङ हालान्ड तथा अर्जेन्टिनाका लियोनल मेस्सी पनि आफ्नो अनुभव र क्षमताका आधारमा कडा चुनौती दिने अपेक्षा गरिएको छ ।

समग्रमा, विश्वकप २०२६ को गोल्डेन बुट दौड अहिले नै अत्यन्त रोमाञ्चक देखिएको छ । युवा प्रतिभा र अनुभवी स्टारहरूको प्रतिस्पर्धाले यसपटकको प्रतियोगितालाई थप आकर्षक बनाउने अनुमान गरिएको छ । सबैको नजर भने फ्रान्सका किलियन एम्बाप्पे पुनः इतिहास दोहोर्याउन सफल हुन्छन् कि हुँदैनन् भन्नेमा केन्द्रित छ ।