जनता मन्त्रीलाई भेट्न आउने होइन, मन्त्री आफैँ जनताकहाँ जानुपर्छ: मन्त्री रावल

चितवन : भूमि व्यवस्था, सहकारी, सङ्घीय मामिला तथा सामान्य प्रशासनमन्त्री प्रतिभा रावलले जनता मन्त्रीलाई भेट्न आउने नभई मन्त्री जनतालाई भेट्न जानुपर्ने बताएकी छन्।

भरतपुर विमानस्थलमा पत्रकारहरूसँग कुराकानी गर्दै मन्त्री रावलले भूमिहीन र सहकारी पीडितको समस्याका विषयमा सरकारले गरिरहेका कामबारे जानकारी दिन र जनताका समस्या प्रत्यक्ष सुन्न आफू जिल्ला आएको बताइन्।