ग्लोबल आईएमई बैंक लगातार तेस्रो वर्ष ‘बेस्ट बैंक अवार्ड’बाट सम्मानित

काठमाडौं – ग्लोबल आईएमई बैंक लिमिटेड प्रतिष्ठित अन्तर्राष्ट्रिय वित्तीय पत्रिका ‘ग्लोबल फाइनान्स’द्वारा प्रदान गरिने ‘बेस्ट बैंक अवार्ड २०२६’ बाट सम्मानित भएको छ । यससँगै बैंक लगातार तेस्रो वर्ष उक्त अवार्डबाट सम्मानित भएको हो ।

बैंकले सन् २०२४ र २०२५ मा पनि ग्लोबल फाइनान्सको ‘बेस्ट बैंक अवार्ड’ प्राप्त गरेको थियो । थाइल्यान्डको राजधानी बैंककमा आयोजित विशेष समारोहमा ग्लोबल फाइनान्सका प्रतिनिधिले बैंकका नायब प्रमुख कार्यकारी अधिकृत सुमन पोखरेल र दीपचन्द्र रेग्मीलाई अवार्ड हस्तान्तरण गरेका थिए ।