क्षेत्रीय सुरक्षा सुनिश्चित गर्न इरान र साउदी अरेबियासहित चार देशले सहकार्य गर्ने

काठमाडौं– इरानले क्षेत्रीय सुरक्षाबारे छलफल गर्न साउदी अरेबिया, टर्की र पाकिस्तानका वरिष्ठ अधिकारी तेहरान आउने घोषणा गरेको छ । इरानको सर्वोच्च राष्ट्रिय सुरक्षा परिषद्का उपसचिव अली बघेरी कानीले सोमबार जानकारी दिँदै बैठकको मिति भने खुलाएका छैनन् ।

कानीका अनुसार बैठकमा साउदी अरेबियाका रक्षामन्त्री खालिद बिन सलमान, पाकिस्तानका सेना प्रमुख जनरल असीम मुनीर र टर्कीका गुप्तचर प्रमुख इब्राहिम कालिन सहभागी हुनेछन् । उनीहरूले इरानका सुरक्षा प्रमुख मोहसेन रेजाईसँग छलफल गर्नेछन् ।