ग्लोबल टी२० फाइनल : सन्दीपको सर्रेमाथि दीपेन्द्रको मोन्ट्रेयाल हाबी

ब्राम्पटन । सन्दीप लामिछानेको टोली सर्रे ज्यागुअर्सलाई हराउँदै दीपेन्द्र सिंह ऐरीको टोली मोन्ट्रेयाल टाइगर्सले ग्लोबल टी२० क्यानडाको उपाधि जितेको छ । आइतबार भएको खेलमा मोन्ट्रेयाल ५ विकेटले विजयी बनेको हो ।

जीतका लागि १३१ रन पाएको मोन्ट्रेयालले अन्तिम बलमा उक्त लक्ष्य पछ्याएको थियो । २९ बलमा ३८ रन बनाउँदै शेरफेन रदरफोर्ड जीतको नायक बने । त्यस्तै, कप्तान क्रिस लिनले ३१, आन्द्रे रसलले २० तथा रिटायर्ड आउट हुनअघि ऐरीले १६ रनको योगदान दिए ।