सय दिने कार्यसूचीमा परेको सञ्चार मन्त्रालयको अधिकांश कार्यक्रम कार्यान्वयनमा

काठमाडौँ। सरकारले अघि सारेको शासकीय सुधारसम्बन्धी १०० बुँदे कार्यसूची अन्तर्गत सञ्चार तथा सूचना प्रविधि मन्त्रालयले सञ्चालन गरिरहेका अधिकांश कार्यक्रम सम्पन्न भई कार्यान्वयनको चरणमा पुगेका छन्।

मन्त्रालयले मंगलबार प्रगति समीक्षा गर्दै सेवा प्रवाहलाई प्रभावकारी बनाउने लक्ष्यअनुसार अधिकांश सुधार कार्यक्रमले अपेक्षित गति लिएको जनाएको हो।