साउदीका तेल संयन्त्र र विमानस्थलमा आक्रमण गरेको हुथीको दाबी

काठमाडौं : मध्यपूर्वी क्षेत्रमा बढ्दो तनावका बीच यमनका इरान-समर्थित हुथी विद्रोहीहरूले साउदी अरेबियाको 'इस्ट-वेस्ट' कच्चा तेल पम्पिङ स्टेसनहरू र रियादस्थित किङ खालिद अन्तर्राष्ट्रिय विमानस्थलमा आक्रमण गरेको दाबी गरेका छन्।

हुथी विद्रोही समूहले सोमबार सार्वजनिक गरेको वक्तव्य अनुसार, उनीहरूले तेल संरचनाहरूमा ड्रोन तथा विमानस्थलमा बलिस्टिक मिसाइल प्रहार गरेका हुन्। यसअघि यही महिनाको सुरुमा विमानस्थलमा भएको हुथी आक्रमणमा १३ जनाको मृत्यु भएपछि आइतबार मात्र दुईवटा टर्मिनलबाट उडान सेवा पुनः सञ्चालनमा ल्याइएको थियो। आक्रमणको यो शृङ्खलासँगै विश्वव्यापी तेल आपूर्तिमा अवरोध सिर्जना हुने र ठूलो क्षेत्रीय द्वन्द्व निम्तिने खतरा बढेको छ।