तेलको मूल्य घट्यो

काठमाडौँ- सोमबार तेलको मूल्यमा गिरावट आएको छ। मध्यपूर्वको द्वन्द्वमा केन्द्रित व्यापारीहरूका कारण शुक्रबार अत्यधिक उतारचढावयुक्त कारोबारका क्रममा प्रतिब्यारेल ११७ अमेरिकी डलर पुगेको तेलको मूल्य सोमबार केही घटेको अन्तर्राष्ट्रिय सञ्चारमाध्यमले जनाएका छ्न्।

अन्तर्राष्ट्रिय बजारको मानक मानिने ब्रेन्ट क्रुडको मूल्य लन्डनमा सोमबार बिहानको कारोबारमा १.३ प्रतिशत घटेर प्रतिब्यारेल ११५.१८ डलरमा झरेको छ। त्यस्तै, अमेरिकी बजारको मानक वेस्ट टेक्सस इन्टरमिडिएट (डब्लूटीआई) को मूल्य १.८ प्रतिशत घटेर प्रतिब्यारेल १०१.४१ डलर कायम भएको छ।