भोटेकोशी–त्रिशूली बाढीबारे संसदीय समितिले थाल्यो अध्ययन, सरकारलाई ४ बुँदे सुझाव

काठमाडौँ । हिमालमा जलवायु परिवर्तनको प्रभाव, जलवायु न्याय तथा भोटेकोशी–त्रिशूली विपद्सम्बन्धी संसदीय विशेष समितिले नौवटा कार्यादेश (टीओआर) बनाएर अध्ययन थालेको छ । समितिले बाढीबाट भएको क्षति, प्रभावितको पुनर्स्थापना र दिगो पुनर्निर्माणसँगै जलवायु परिवर्तनका असर न्यूनीकरण तथा नीतिगत सुधारका विषयमा अध्ययन अघि बढाएको हो ।

भदौ १० गते भोटेकोशी–त्रिशूली क्षेत्रमा आएको विनाशकारी बाढीका कारण रसुवा, नुवाकोट, धादिङलगायत जिल्लामा ठूलो जनधनको क्षति भएको थियो । त्यसपछि असोज ५ गते बसेको प्रतिनिधिसभा बैठकले राष्ट्रिय स्वतन्त्र पार्टी (रास्वपा) का संसदीय दलका उपनेता गणेश पराजुलीको संयोजकत्वमा १५ सदस्यीय विशेष समिति गठन गरेको थियो ।