राजपाल यादवलाई तीन महिना जेल सजाय

काठमाडौं। भारतको दिल्ली उच्च अदालतले बलिउड अभिनेता राजपाल यादवलाई तीन महिना जेल सजाय सुनाएको छ । यादव विरुद्ध दर्ता भएका चेक बाउन्सका सातवटा मुद्दामा यसअघि सुनाइएको सजायलाई उच्च अदालतले शुक्रबार सदर गरेको हो ।

न्यायाधीश स्वर्ण कान्ता शर्माको इजलासले प्रत्येक मुद्दामा राजपाल यादवलाई तीन–तीन महिनाको साधारण कैद सजाय सुनाएको भारतीय सञ्चारमाध्यमहरुले जनाएका छन् ।