कच्चा तेलको मूल्यमा गिरावटः कारण यस्तो छ

काठमाडौँ । अन्तर्राष्ट्रिय बजारमा उच्च विन्दुमा पुगेको कच्चा तेलको मूल्यमा सोमबार सामान्य गिरावट आएको छ। मध्यपूर्वमा चुलिँदै गएको भू-राजनीतिक तनावका कारण शुक्रबार प्रतिब्यारेल ११७ अमेरिकी डलरसम्म पुगेको तेलको मूल्य सोमबारको कारोबारमा केही स्थिर र ओरालो लागेको हो।

लन्डनस्थित अन्तर्राष्ट्रिय बजारको मानक मानिने ब्रेन्ट क्रुडको मूल्य सोमबार १.३ प्रतिशतले घटेर प्रतिब्यारेल ११५.१८ डलरमा झरेको छ। त्यसैगरी अमेरिकी बजारको मानक मानिने वेस्ट टेक्सस इन्टरमिडिएट (WTI) को मूल्यमा पनि १.८ प्रतिशतको गिरावट आउँदा प्रतिब्यारेल १०१.४१ डलर कायम भएको छ।