दिल्लीलाई हराउँदै बैंग्लुरु आईपीएलको शीर्ष स्थानमा

काठमाडौं । इन्डियन प्रिमियर लिग (आईपीएल) क्रिकेटको ४६ औं खेलमा रोयल च्यालेन्जर्स बैंग्लुरुले दिल्ली क्यापिटल्सलाई हराएको छ । बैंग्लुरु ९ बल बाँकी छँदै ६ विकेटले विजयी भयो ।

दिल्लीले १६३ रनको मध्यम चुनौति दिएकामा बैंग्लुरुले १८ ओभर ३ बलमा मात्र चार विकेट गुमाएर पार गरेको हो । बैंग्लुरुका लागि क्रुणाल पाण्ड्याले सर्वाधिक ७३ रन बनाए । उनले ४७ बलमा ५ चौका र ४ छक्का प्रहार गर्दै अविजित ७३ रन बनाएका हुन् । समान ४७ बल सामना गरेका विराट कोहलीले भने अर्थशतक पार गरे । उनले ४७ बलमा ४ चौकाको मद्दतले ५१ रन बनाए ।