सरकारी डकुमेन्ट मोबाइल एपबाट स्क्यान नगर्नू, राष्ट्रिय सुरक्षामा जोखिम हुन्छ: प्रधानमन्त्री कार्यालय

काठमाडौं । प्रधानमन्त्री तथा मन्त्रिपरिषद्को कार्यालयले सरकारी कामकाजका आधिकारिक कागजातहरू मोबाइल एप प्रयोग गरेर 'स्क्यान' नगर्न तीनै तहका सरकारलाई परिपत्र जारी गरेको छ । डिजिटल सुरक्षा र तथ्याङ्क गोपनीयता सुनिश्चित गर्न यस्तो परिपत्र जारी गरिएको हो ।

बजारमा उपलब्ध ‘क्याम स्क्यानर’ जस्ता विभिन्न बाह्य मोबाइल एप प्रयोग गर्दा स्क्यान गरिएका सामग्रीहरू विदेशी सर्भरहरूमा पुग्ने र त्यहाँ स्टोर हुने उच्च जोखिम देखिएकाले यो निर्णय लिइएको प्रधानमन्त्री कार्यालयले जनाएको छ ।