बागमती प्रदेश समस्याग्रस्त सहकारी समितिको कार्यालयमा जनशक्ति अभाव

काठमाडौँ । बागमती प्रदेश सरकारले समस्याग्रस्त घोषणा गरेका सहकारीको व्यवस्थापन गर्न गठन गरिएको समितिमा दरबन्दी अनुसारका जनशक्तिको व्यवस्था नहुँदा कामले गति लिन सकेको छैन ।

प्रदेश सरकारले २०८० सालमा समस्याग्रस्त सहकारी व्यवस्थापन समिति गठन गरेको थियो । समितिको कार्यालयमा २४ जना कर्मचारीको दरबन्दी स्वीकृत छ । तर हाल १२ जना कर्मचारी मात्र कार्यालयमा कार्यरत रहेको समितिका सदस्य रामेश्वर ढकालले जानकारी दिए ।