ब्याजदर निश्चित सीमाभित्र राख्ने एमालेको घोषणा

काठमाडौं । नेकपा (एमाले)ले आफ्नो सरकार बनेमा बैंकको ब्याजदर निश्चित सीमाभित्र राख्ने बताएको छ । बचतकर्ता र बैंकको लगानीको ब्याजदर निश्चित सीमाभित्र राखिने आज सार्वजनिक भएको घोषणा पत्रमा उल्लेख छ ।

वित्तीय क्षेत्रको संभावित संकट सामना गर्न विशेष सतर्कता अपनाइने पनि उल्लेख छ । बैंकिङ क्षेत्रबाट उत्पादन र निर्यातमूलक क्षेत्र र व्यवसायलाई आवश्यक पर्ने पुँजी सहजरूपले उपलब्ध गराइने बताइएको छ । पुँजीको अभावमा कुनै पनि प्रकारको उद्यमशीलतालाई निरूत्साहित हुन नदिने पनि प्रतिबद्धता गरिएको छ ।