यसरी सत्ताको निर्णायक शक्ति बन्दैछ जसपा

काठमाडौं- २०७४ सालको आम निर्वाचनलगत्तै नेकपा (तत्कालीन एमाले र माओवादी केन्द्रको निर्वाचन गठबन्धन)बाहेक पाँच वर्षसम्म अरुको सरकार बन्न सक्छ भन्ने कल्पनाबाहिरको विषय थियो। त्यसैगरी, संघीय संसदको चौथो शक्तिको रुपमा रहेको जनता समाजवादी पार्टी अर्थात् जसपा (त्यसबेलाका राजपा र समाजवादी पार्टी) सरकार निर्माणको खेलाडी बन्न सक्छ भन्ने पनि परिकल्पनाबाहिरै थियो। तर, समयले यी दुवै विषय सम्भव बनाइदिएको छ।

जसपा यतिखेर सत्ता जोगाउने वा बनाउने निर्णांयक ठाउँमा पुगेको छ। प्रधानमन्त्री केपी शर्मा ओली नेतृत्वको सरकार यथावत राख्न वा ओली सरकारको विकल्प खोज्न नभइ नहुने शक्ति बनेको छ, जसपा।