साविक विजेता लुम्बिनी लायन्सको विजयी सुरुवात

काठमाडौं– नेपाल प्रिमियर लिग (एनपीएल) को तेस्रो संस्करणमा साविक विजेता लुम्बिनी लायन्सले विजयी सुरुवात गरेको छ । एनपीएलको सोमबार भएको उद्घाटन खेलमा लुम्बिनीले सुदूरपश्चिम रोयल्सलाई सात विकेटले पराजित गर्दै विजयी सुरुवात गरेको हो ।

कीर्तिपुरस्थित त्रिवि अन्तर्राष्टिय क्रिकेट मैदानमा टस जितेर फिल्डिङ रोजेको लुम्बिनीले ८८ रनको सामान्य लक्ष्य तीन विकेटको क्षतिमा ९.५ ओभरमै पूरा गरेको छ । उसको लागि डी’आर्क शर्टले सर्वाधिक ४० रन जोडे । त्यस्तै आशिफ शेखले ३२ रनको योगदान दिए ।