लिमचुङबुङमा आगलागी: हर्कबहादुरको घर जल्यो

उदयपुरको लिमचुङबुङ गाउँपालिका २ ताम्लीछामा आगलागी भएको छ । आगलागीबाट हर्कबहादुर राईको घर जलेको छ । घर जल्दा चार लाख भन्दा बढीको क्षतिभएको छ ।

आगोले राईको घर र घरभित्र रहेको मकै, धान, कोदोलगायत अन्नपात, लत्ता कपडा, भाँडाबर्तन सबै जलेर नष्ट भएको वडाध्यक्ष जितेन्द्र राईले बताए । हर्कबहादुर घरमा नभएका बेला आगलागी हुँदा केही सरसामान निकाल्न नपाएर क्षति भएको हो ।