ललितपुरमा गठबन्धन र एमालेबीच भिडन्त हुने

ललितपुर । तीनवटा निर्वाचन क्षेत्र रहेको ललितपुरमा सत्ता गठबन्धन र नेकपा एमालेबीच मुख्य प्रतिस्पर्धा हुने देखिएको छ । गठनबन्धनको तर्फबाट प्रतिनिधिसभामा क्षेत्र नम्बर–१ मा नेपाली कांग्रेसको तर्फबाट पूर्व अर्थराज्यमन्त्री उदयशमशेर जबरा, क्षेत्र नं.–२ मा नेकपा एकीकृत समाजवादीका तर्फबाट कृष्णलाल महर्जन र क्षेत्र नम्बर–३ मा ऊर्जा तथा जलश्रोतमन्त्री समेत रहेका माओवादी केन्द्रकी पम्फा भुसालले मनोनयन दर्ता गराउनुभएको थियो । उहाँले आफ्नो क्षेत्रको भौतिक विकासलाई पहिलो प्राथमिकतामा राख्ने र ऐतिहासिक सहरको रूपमा विकास गर्ने आफ्नो मुख्य भूमिका रहेको बताउनुभयो । क्षेत्र नम्बर–२ मा उम्मेदवारी मनोनयन गर्र्ने क्रममा सञ्चारकर्मीलाई निषेध गरिएको थियो ।

एमालेको तर्फबाट क्षेत्र नम्बर–१ मा नवराज सिलवाल, क्षेत्र नम्बर–२ मा प्रेम महर्जन र क्षेत्र नम्बर– ३ मा अमृत खड्काले मनोनय दर्ता गर्नुभएको छ । यसअघि, ललितपुर क्षेत्र नम्बर–१ मा एमालेका सिलवाल र ३ मा माओवादी केन्द्रकी भुसाल निर्वाचित हुनुभएको थियो । क्षेत्र नम्बर २ का महर्जन एमालेबाट विजयी भए पनि एकीकृत समाजवादीमा प्रवेश गर्नुभएको थियो ।