८८औँ मिनेटमा मिकेल मेरिनोको गोल, बेल्जियम विरुद्ध स्पेन पुनः २–१ ले अघि

काठमाडाैँ । लस एन्जलसमा जारी फिफा विश्वकप २०२६ को रोमाञ्चक क्वार्टरफाइनल खेलमा स्पेनले अन्तिम समयमा पुनः अग्रता लिन सफल भएको छ । खेल अतिरिक्त समयतर्फ धकेलिने सम्भावना बलियो भइरहेका बेला खेलको ८८ औँ मिनेटमा स्पेनका मिडफिल्डर मिकेल मेरिनोले गोल गर्दै टोलीलाई २-१ को अग्रता दिलाएका हुन् ।

दोस्रो हाफ अन्तर्गत दुवै टोलीले १–१ को बराबरी तोड्नका लागि कडा संघर्ष गरिरहेका थिए । खेलको ७१औँ मिनेटमा बेल्जियमका मुख्य गोलरक्षक थिबाउ कोर्टवा बाहिरिएर वैकल्पिक गोलरक्षक सेने ल्यामेन्स मैदान प्रवेश गरेपछि स्पेनले बेल्जियमको रक्षापङ्क्तिमाथि दबाब बढाएको थियो । अन्ततः खेल ६ नम्बर जर्सीका मिडफिल्डर मेरिनोले गोल गर्दै स्पेनको जितको सम्भावना बलियो बनाएका छन् ।