चीनको छेन्दुमा चिनियाँ भाषामा अनूदित छ नेपाली पुस्तक लोकार्पित

काठमाडौँ, ९ कात्तिकः चीनको छेन्दुमा आयोजित तियान्फु पुस्तक प्रदर्शनीका अवसरमा नेपाली भाषाबाट चिनियाँ भाषामा अनूदित छ वटा नेपाली पुस्तक विशेष समारोहबीच लोकार्पण गरिएको छ ।

नेपाली साहित्यलाई चिनियाँ पाठकमाझ पुर्‍याउने तथा नेपाल र चीनबीचको साहित्यिक र सांस्कृतिक सम्बन्धलाई सुदृढ बनाउने उद्देश्यले आयोजित कार्यक्रममा नेपाल प्रज्ञा–प्रतिष्ठानका कुलपति कुमार नगरकोटी विशेष अतिथिका रूपमा सहभागी हुनुभएको नेपाल प्रज्ञा–प्रतिष्ठानका सदस्य सचिव डा रोशन शेरचनले जानकारी दिनुभयो ।