प्रदेश विकासमा बजेट बेथिति

सबका सब विकृति र अराजनीतिक रत्यौली प्रदेशहरूमा मञ्चन हुँदा ठूलो संघर्षले ल्याएको व्यवस्थाको साख क्षय भएको छ।

सुदूरपश्चिम सरकारले सांसदहरूलाई पाँच करोड रुपैयाँसम्म विकास बजेट दिने सौदाबाजी गरेर बजेट पास ग¥यो। नीति निर्माता सांसदहरूले बजेट आँखा लगाउनु गैरसंसदीय अभ्यासमात्रै होइन, स्रोतमाथिको दोहन पनि हो। आफ्नो हात जगन्नाथ गर्दै सांसदले बजेट नपाएसम्म बजेटको हलो अड्काएर संघीय व्यवस्थाकै धज्जीमात्रै उडाएका छैनन्, प्रदेश संरचना चाहिन्न भनेर बलिरहेको सानातिनो आगोमा झन् घिउतेल थपेका छन्। यस्तो उल्टो बाटो हिँड्न सत्ता र प्रतिपक्ष दुवैको चोचोमोचो मिल्नु निम्नकोटीको राजनीतिक सौदाबाजी हो।