परिवारले नबुझेपछि मध्यराती गायव पारियो गणेशको शव, सिडीओकै प्रत्यक्ष संलग्नता

बिहिबार दिउँसो त्रिपरेश्वरको राहदानी विभाग अगाडि आत्मदाह गरेर मृत्युवरण गरेका मुगुका २५ वर्षीय युवक गणेश शव मध्यराती गायव पारिएको छ । शव बुझ्न सरकारले परिवारमाथि दिएको दवाव अस्वीकार गरेपछि मध्यराती अस्पतालबाट शव उठाएर गायव पारिएको हो ।

यो काममा काठमाडौँ सिडिओ इश्वरराज पौडेल आफै संलग्न हुनुभएको देखिएको छ । गृहमन्त्री सुधन गुरुङको आदेशमा सिडीओ पौडेलले अस्पतालबाट मध्यराती शव नै गायव पार्नुभएको हो । गणेशको शव कहा लगियो भन्ने जानकारी परिवारदेखि मिडियासम्मलाई लुकाइएको छ । रातको समय पारेर सिडीओ पौडेलले प्रहरीको घेराउमा शव अस्पतालबाट बाहिर लैजान लगाउनु भएको हो ।