पञ्जाबलाई हराउँदै लखनउ आइपिएलको दोस्रो स्थानमा उक्लियो

भारतमा जारी १६ औँ सिजनको इण्डियन प्रिमियर लिग (आइपिएल) मा लखनउ सुपर जायन्ट्सले पाँचौं जित निकालेको छ । पाँचौं जित हात पार्नेक्रममा लखनउले गएराति सम्पन्न ‘हाइ स्कोरिङ’ खेलमा घरेलु टोली पञ्जाब किंग्सलाई ५६ रनले हरायो ।

पाचौं जितको खोजीमा रहेको पञ्जाबले भने लक्ष्य भेट्टाउन सकेन । लखनउले दिएको २ सय ५८ रनको विशाल लक्ष्य पछ्याएको पञ्जाब १९.५ ओभरमा २ सय १ रनमा समेटियो । उसका लागि अथर्व ताडेले ३६ बलमा ८ चौका र २ छक्कासहित सर्वाधिक ६६ रन बनाए ।