यातायात व्यवस्था कार्यालय जनकपुरबाट २० हजारमा लाइसेन्स पाइने गरेको एमाले सांसदको दाबी

नेकपा एमाले मधेस प्रदेशका सांसद दीपेन्द्रकुमार ठाकुरले यातायात व्यवस्था कार्यालय जनकपुरमा चरम भ्रष्टाचार भइरहेको दाबी गरेका छन् ।

मंगलबार बसेको प्रदेश सभाको पहिलो अधिवेशनको पाँचौँ बैठकमा बोल्दै प्रदेशसभा सदस्य ठाकुरले यातायात व्यवस्था कार्यालय जनकपुरमा लाइसेन्स वितरणमा भइरहेको व्यापक भ्रष्टाचारको अन्त्य गर्न माग गरेका हुन् ।