कोशी सरकारको बजेट ७० प्रतिशत हाराहारी खर्च

विराटनगर । कोशी प्रदेश सरकारको सबैभन्दा बढी खर्च गर्ने भौतिक पूर्वाधार विकास मन्त्रालयले चालु आर्थिक वर्षको अन्त्यसम्ममा पुँजीगत खर्च सन्तोषजनक रूपमै गरेको छ । मन्त्रालयले उपलब्ध गराएको प्रारम्भिक तथ्याङ्क अनुसार कुल विनियोजित बजेटको करिब ७० प्रतिशत रकम खर्च भएको छ ।

विकास निर्माणका ठुला आयोजना र सडक सञ्जाल विस्तारको जिम्मेवारी पाएको यस मन्त्रालयले १० अर्ब ६३ करोड रुपैयाँको अन्तिम बजेटमध्ये ७ अर्ब ४४ करोड रुपैयाँ खर्च गर्न सफल भएको हो ।