आँखामा समस्या देखाउँदै प्रधानमन्त्री बालेनले सदनमा लाउने भए कालो चस्मा

काठमाडौँ- सभामुख डीपी अर्यालले प्रतिनिधिसभा बैठकमा कालो चस्मा लगाउन नपाइने नियम राखेको धेरै समय भएको छैन। यसअघि संसद् नियमावलीको नियम ५६ कोकार्यव्यवस्था परामर्श समितिको बैठकमा सभामुख अर्यालले संसद्लाई मर्यादित र अनुशासित बनाउन भन्दै कालो चस्मा लगाएर नआउन आ–आफ्ना सांसदलाई जानकारी गराएका थिए।

यदि कालो चस्मा लगाउनुपर्ने भए स्वास्थ्य रिपोर्ट बुझाउनुपर्ने भन्दै सभामुख अर्यालले अन्यथा बैठकमा सहभागी नगराइने चेतावनी दिएका थिए। तर यो नियमपछि पनि प्रधानमन्त्री वालेन शाहले भने कालो चस्मा लगाउने भएका छन्। प्रधानमन्त्रीको सचिवालयले वालेनको स्वास्थ्यमा समस्या देखाउँदै चस्मा जरुरी पर्ने बताएको छ। नेपाली सेनाको छाउनीस्थित सैनिक अस्पतालकामा गत साउन २२ गते प्रधानमन्त्री बालेनले आँखा परीक्षण गराएका थिए ।