राम–सीताको भव्य विवाह

त्रेतायुगमा रामसीताको स्वयम्बर हुँदा देवी देउताले स्वर्गबाट पुष्पवृष्टि गरेको सम्झनालाई साकार रुप दिन स्वयम्बरमा हेलिकोप्टरबाट पुष्पवृष्टि गरिएको थियो।

जनकपुरधाम : राम र सीताबीचको अटुट प्रेम र आदर्श विवाहलाई मिथिला नगरी जनकपुरधाममा फेरि एक पटक जीवन्त पारिएको छ। आदर्श जोडीको वैवाहिक सम्बन्धले नेपाल र भारतबीच सांस्कृतिक तथा धार्मिक सम्बन्ध प्रगाढ बनाउने मात्र नभई आदर्श विवाहको महŒवलाई पनि उजागर गर्छ। जसको साक्षी लाखौं श्रद्धालु भक्तजन बन्ने गरेका छन्। जानकी मन्दिरमा राजा जनकको भूमिकामा रहेका महन्थ रामतपेश्वर दासले छोरी सीताको कन्यादान गरेका थिए भने भगवान् रामलाई ज्वाइँ पाएपछि सिंगो मिथिला नगरी धन्य भएको थियो।