बाढीबाट जोगाउन बस्तीमा डोजर, सरकारी सेन्टरमै डुबे सुकुम्बासी

नदी किनारका जोखिमपूर्ण बस्तीबाट हटाएर सुरक्षित स्थानमा सार्ने भन्दै सरकारले कीर्तिपुरको ‘राधास्वामी सुकुम्बासी होल्डिङ सेन्टर’ मा राखेका सुकुम्बासीहरू हिजोकै नियति व्यहोर्न विवश भएका छन्।

अविरल वर्षासँगै बागमती नदीमा आएको बाढी सरकारी सेन्टरभित्रै पसेपछि पीडितहरूले सरकारले आफूहरूलाई उल्टै बाढीको मुखमा धकेलेको भन्दै आक्रोश पोखेका छन्।