कीर्तिपुरस्थित होल्डिङ सेन्टर जलमग्न, सुकुम्बासीको बिचल्ली (तस्बिरहरू)

काठमाडौं : शुक्रबार राति काठमाडौँ उपत्यका र आसपासका क्षेत्रमा परेको भारी वर्षाका कारण बागमती नदीमा बहाव बढेपछि कीर्तिपुर नगरपालिका–१० सुन्दरीघाटस्थित राधास्वामी सुकुम्बासी होल्डिङ सेन्टर डुबानमा परेको छ ।

होल्डिङ सेन्टरमा पानी भरिएपछि सुरक्षाकर्मीले डुङ्गा प्रयोग गरेर केही सामान बाहिर निकालेका छन् ,भने बाढीको पानी होल्डिङ सेन्टरमा पसेपछि सुकुम्बासीहरु ज्यान जोगाउन कीर्तिपुरको मुख्य सडकमा निस्किएका छन् । यद्यपि, अधिकांश घरायसी सामग्री, लत्ताकपडा र अन्य अत्यावश्यक सामान पानीले भिजेर नष्ट भएको पीडितहरूले बताएका छन् ।