न्याय खोज्दै फेरि मिटरब्याज पीडितको ‘सिंहदरबार मार्च’

काठमाडौँ । विगतमा सरकारले गठन गरेका आयोग र ल्याएका कानुनी व्यवस्थाहरू अपूर्ण भएको र समस्या समाधान नभएको भन्दै देशभरका मिटरब्याज पीडितहरू फेरि सडक आन्दोलनमा उत्रिएका छन् ।

पीडितहरूले जनकपुरबाट बिहीबार सुरु गरेको पैदलयात्रा दोस्रो दिन शुक्रबार महोत्तरीको बर्दिबास आइपुगेको छ । न्यायको खोजीमा पैदल निस्किएका करिब २०० जना पीडित ११ दिनभित्र सङ्घीय राजधानी काठमाडौँ पुग्ने लक्ष्यका साथ अघि बढिरहेका छन् ।