महाभारत ज्ञानमाला: व्यासजीले सत्यवतीलाई किन हस्तिनापुर छोड्न भनेका थिए ?

राजा पाण्डुको मृत्युपछि जब कुन्ती पाण्डवहरूका साथमा हस्तिनापुर प्रवेश गरिन्, तब त्यहाँको राजनीतिक इतिहासको नक्सा नै बदलियो । एकातर्फ धृतराष्ट्रपुत्र १०० भाइ कौरवहरू थिए, अर्कोतर्फ पाण्डुपुत्र पाँच भाइ पाण्डवहरू भए ।

राजा धृतराष्ट्र आफू दाजु हुँदाहुँदै नेत्रहीनताको निहुँमा भाइ पाण्डुलाई हस्तिनापुरको राजा घोषित गरिएकोमा पहिलेदेखि नै सन्तुष्ट थिएनन् । त्यसमाथि परिवन्दवश आफ्नो हातमा आएको राज्यसत्ता पनि अग्राधिकारका कारण पुन: पाण्डुपुत्र युधिष्ठिरको हातमा जाने निश्चित थियो, जुन चिन्ताले धृतराष्ट्रलाई मनमनै खाइरहेको थियो ।